إذا كنتي عوال تحضر لمناسبة رسمية أو عملية، أو كتقلب على حطة ناضية لتبينك أنيق وكلاس، دور الأزياء العالمية كتخرج كل سنة كولوكسيون من أرقى الكوستيمات الرجالية، إوا إلا كنتي حاير آش غادي تلبس أجي معايا نوريك آخر ما جادت به براندات البدل الرجالية، اللي كتجمع بين الأناقة أو فنفس الوقت  فراند بادجيت

  Brioni كوستيم من دار الأزياء الإيطالية بريوني 
الماركة المفضلة عند براد بيت وتوم كروز وكريستيان بيل ومايكل فاسبندر على السجادة الحمراء، فإذا كنتي على استعداد تام باش تحط فلوسك للاستثمار فكوستيم هارب، فماركة بريوني غتكون خيارك الأمثل
ولإطلالة كاجوول، ماركة بريوني كتقدم ليكوم تصميم جذاب لأنوسومبل مصمم من بليزر طويل وواسع وبجياب أماميين على الخصر، مع جوج د الصدايف للإغلاق، أما السروال فكيجي بتصميم واسع، وتقدر تنسقو مع شوميز أبيض، وصباط الجلد أسود لامع

 Brunello Cucinelli كوستيم من  برونيلو كوتشينيلي 
 برونيلو كوتشينيلي حتا هي من السميات الثقال ديال الخياطة الإيطالية العريقة، كتقدم مجموعة متنوعة من البدل الرجالية بجميع الأحجام وجميع المناسبات، فإذا كنتي كتقلب على إطلالة راقية وأنيقة، يمكنك ليك تستاعن بتصميم مميز من كوستيم برونيلو الأزرق ، كيجي ببليزر طويل فيه  3 جيوب أمامية ، مع كول عريض وجوج صدايف باللقهوي، أما السروال فكيجي بتصميم كلاسيكي واسع

Hackett London كوستيم من هاكيت لندن  
إلا كنتي من عشاق الستيل البريطاني، هاكيت لندن هي الماركة التجارية المناسبة ليك، بحيث كتقدم ليك  كوستيمات كلاسيكية وفعالة ومناسبة لجميع الأذواق ، سواء كانت ثلاثة ديال  القطع أنيقة أولا أونسومبل كري منقوش بموتيف سافاج

 Tom Ford كوستيم من توم فورد 
إذا كنتي من مواكبين صيحات الموضة فما يمكنليكش تفلت شي موديل من هاد الماركة العالمية، ، اعتمد لووك شتوي باللون الأسود من دار توم فورد لأناقة شبابية عصرية وكلاس ، الكوستيم بطبيعة الحال عندو أصولو وقواعدو والأماكن والمناسبات اللي كيليق ليه،لكن المهم فهادشي كامل هو أن الكوستيم خاصو يكونو ذو جودة عالية أو أنيق فنفس الوقت