عرف بنفسك -
.ياسين طمطم، 23 سنة، شاب مغربي من مدينة أكادير و مبدع في الموروث الثقافي بوجلود
متى بدأت مشاركتك في تقليد بوجلود و كيف راودتك الفكرة ؟ -
أول مشاركة لي في بوجلود كانت سنة 2012 و جات هاد الفكرة بشكل تلقائي بحكم الميزة ديال مدينة أكادير في عيد الأضحى هي بوجلود يعني هذا ثراتنا
ما هي أجمل ذكرى لك خلال مشاركتك في احتفاليات بوجلود ؟ -
هاد النوع من الثرات كله ذكريات جميلة، و أجمل ذكرى بالنسبة لي هي نهار قررت نطور راسي وبديت كنفكر في الطريقة باش نتميز، وهنا الإنسانة الوحيدة لي لقيت جنبي هي الأم ديالي و كان لها فضل كبير في النجاح ديالي فهاذ الموروث الثقافي
كيف تحضر وتعد نفسك لبوجلود؟ هل هناك تحضيرات خاصة تقوم بها ؟ -
الإستعدادات دائما كتبدا شهر قبل العيد هي فاش كنشريو الجلود و نهيئها حتى تولي قابلة للباس و نفكرو في الأكسسوارات و الحلي ... ثم كنوجدو فكرة اللي تكون مختلفة عن السنوات الماضية و عن باقي المشاركين
ما هو الشيء الذي يجعل بوجلود مميزًا بالنسبة لك ؟ -
أكثر حاجة كنبغينا فبوجلود هو حب الناس و التجاوب ديالهم معايا في الشارع العام
ما هي أكثر التحديات التي واجهتك خلال مشاركتك في البوجلود ؟ -
أكبر التحديات لي واجهت هي الإنتقادات ديال الناس لي معرفينش بلي هذا غير تنكراللي الغاية منه الضحك و المرح و بلي أكادير و ناسها كيعيشو هاذ الأجواء طيلة أيام عيد الأضحى المبارك
ما هو الدور الذي تلعبه الفنون التقليدية مثل بوجلود أو بيلماون في الحفاظ على الهوية الثقافية للمنطقة ؟ -
أي حاجة من الثرات مسؤوليتنا جميع نفتاخرو بيها و نحافظو عليها باش نبينوها للناس و تورث من جيل لجيل، فبالنسبة لهاد الحدث هو نابع من الثقافة الأمازيغية و من قديم و حنا كنحتافلو بيه إلا أنه الجميل الآن هو أن حتى الناس اللي من ثقافات مختلفة ولاو كيبحتو فيه
ما هو ردك على الانتقادات التي طالت نسخة هدا العام فيما يتعلق بالتشبه بالنساء و كيف يجب التعامل معها ؟ -
نسخة هاذ العام مكانش فيها تشبه بالنساء عكس السنوات الماضية و كنحب نذكر أن بوجلود هويتنا و ثراثنا و لي كينتقدنا كنقوليه مرحبًا بيك عندنا في أكادير أيام عيد الأضحى باش تعرف على هاذ الأجواء لي كتميزنا عن باقي المدن
ما هي رسالتك للشباب الذين يرغبون في استكشاف والانضمام إلى تقاليد بوجلود ؟ -
الشباب لي بغاو اكتاشفو هذا الثراث و ينظمو ليه كنقوليهم طورو ريوسكم و زيدو بهاذ الثقافة الأمازيغية للقدام لأنه هاد الحدث أصبح كينافس بعض الكرنفالات العالمية و الناس ولات كتهتم بيه أكثر فأكثر وهنا كيجي دورنا باش نبيينوه فأحسن صورة
.ياسين طمطم، 23 سنة، شاب مغربي من مدينة أكادير و مبدع في الموروث الثقافي بوجلود
متى بدأت مشاركتك في تقليد بوجلود و كيف راودتك الفكرة ؟ -
أول مشاركة لي في بوجلود كانت سنة 2012 و جات هاد الفكرة بشكل تلقائي بحكم الميزة ديال مدينة أكادير في عيد الأضحى هي بوجلود يعني هذا ثراتنا
ما هي أجمل ذكرى لك خلال مشاركتك في احتفاليات بوجلود ؟ -
هاد النوع من الثرات كله ذكريات جميلة، و أجمل ذكرى بالنسبة لي هي نهار قررت نطور راسي وبديت كنفكر في الطريقة باش نتميز، وهنا الإنسانة الوحيدة لي لقيت جنبي هي الأم ديالي و كان لها فضل كبير في النجاح ديالي فهاذ الموروث الثقافي
كيف تحضر وتعد نفسك لبوجلود؟ هل هناك تحضيرات خاصة تقوم بها ؟ -
الإستعدادات دائما كتبدا شهر قبل العيد هي فاش كنشريو الجلود و نهيئها حتى تولي قابلة للباس و نفكرو في الأكسسوارات و الحلي ... ثم كنوجدو فكرة اللي تكون مختلفة عن السنوات الماضية و عن باقي المشاركين
ما هو الشيء الذي يجعل بوجلود مميزًا بالنسبة لك ؟ -
أكثر حاجة كنبغينا فبوجلود هو حب الناس و التجاوب ديالهم معايا في الشارع العام
ما هي أكثر التحديات التي واجهتك خلال مشاركتك في البوجلود ؟ -
أكبر التحديات لي واجهت هي الإنتقادات ديال الناس لي معرفينش بلي هذا غير تنكراللي الغاية منه الضحك و المرح و بلي أكادير و ناسها كيعيشو هاذ الأجواء طيلة أيام عيد الأضحى المبارك
ما هو الدور الذي تلعبه الفنون التقليدية مثل بوجلود أو بيلماون في الحفاظ على الهوية الثقافية للمنطقة ؟ -
أي حاجة من الثرات مسؤوليتنا جميع نفتاخرو بيها و نحافظو عليها باش نبينوها للناس و تورث من جيل لجيل، فبالنسبة لهاد الحدث هو نابع من الثقافة الأمازيغية و من قديم و حنا كنحتافلو بيه إلا أنه الجميل الآن هو أن حتى الناس اللي من ثقافات مختلفة ولاو كيبحتو فيه
ما هو ردك على الانتقادات التي طالت نسخة هدا العام فيما يتعلق بالتشبه بالنساء و كيف يجب التعامل معها ؟ -
نسخة هاذ العام مكانش فيها تشبه بالنساء عكس السنوات الماضية و كنحب نذكر أن بوجلود هويتنا و ثراثنا و لي كينتقدنا كنقوليه مرحبًا بيك عندنا في أكادير أيام عيد الأضحى باش تعرف على هاذ الأجواء لي كتميزنا عن باقي المدن
ما هي رسالتك للشباب الذين يرغبون في استكشاف والانضمام إلى تقاليد بوجلود ؟ -
الشباب لي بغاو اكتاشفو هذا الثراث و ينظمو ليه كنقوليهم طورو ريوسكم و زيدو بهاذ الثقافة الأمازيغية للقدام لأنه هاد الحدث أصبح كينافس بعض الكرنفالات العالمية و الناس ولات كتهتم بيه أكثر فأكثر وهنا كيجي دورنا باش نبيينوه فأحسن صورة