فنظركم مستمعينا شحال يقدر الإنسان يصبر ديال الوقت بلا نعاس؟
 Standford University جاوبات على هاد السؤال ب 265 ساعة يعني 11 يوم و25 دقيقة تقريبا ، صاحب هاد الرقم القياسي هو الأمريكي Randy Gardner اللي طبقات عليه هاد الدراسة ، راندي كنتيجة لهاد الصيام عن النوم بدات كتجيه هلوسات خطيرة، ضعف فالذاكرة، مشاكل في التركيز والإدراك وأخيرا البارانويا، هادا شخص مانعسش غير 11 يوم فما بالكوم مستمعينا بالأشخاص ليمكينعسوش فمرا.
مرض Fatal Familial Insomnia أو ما يعرف بالأرق العائلي المميت، سبب هادا المرض هو تكون مجموعة من البروتينات في منطقة الميهاد من  المادة الرمادية، وهي المنطقة المسؤولة على الوعي و تنظيم ساعات الاستيقاظ و النوم، المصابين واللي غالبا كيكون السن ديالهوم يفوق 50 سنة، كيبداو يفقدو القدرة على النوم شوية بشوية حتى كيولي يجيهوم الخرف وفنهاية المطاف كيموتو.
أو نتوما مستمعينا شحال تقدرو تبقاو صابرين بلا نعاس ؟

أو ف la santé mentale مستمعينا، غنسلطو الضوء على مرض الوسواس القهري، ما هو؟ ما هي الأسباب والأشكال ديالو؟  أو طرق العلاج منو؟
اضطراب الوسواس القهري (OCD) هو مرض عقلي mental illness يتسبب في ظهور أفكار اقتحامية كتفرض نفسها على ذهن المريض، على شكل صور أو هواجس أو رغبات متكررة، غير مرغوب فيها، كتسمى الوسواس obsessions. وبالرغم من أن المريض غالبا ما كيعرف أن هاد  الافكار مفرطة، غير معقولة وغير منطقية، إلا أنه كيعجز يتوقف عن التفكير فيها لأنها  كتولد توتر وقلق ما كيمشي  إلا إذا قام بالسلوك اللي كيفرضو عليه الوسواس.
بالنسبة للأشكال ديالو فهي تختلف حسب الحالة، الحالة الأولى مرتبطة بكثرة التحقق  من الأشياءChecking، فحال التأكد من إقفال الباب وأنبوب الغاز ومفاتيح الإضاءة والسيارة، الحالة الثانية متعلقة بالتماثل والترتيب  Symmetry and ordering أي الحاجة إلى ترتيب الأشياء بطريقة معينة، الحالة الثالثة مرتبطة بالتلوث Contamination أي الخوف من الأشياء التي قد تكون متسخة أو الإكراه على التنظيف، ويتضمن كذلك ما يسمى بالتلوث العقلي Mental contamination أي أن المريض يشعر وكأنه عومل مثل الأوساخ مثل تجارب الخيانة أو الاعتداء الجنسي، آخر حالة هي حالة التكديس القهري واللي سبقنا هدرنا عليها في فقرات سابقة من Care Week، والتي تتميز في الرغبة المتواصلة في تكديس الأشياء وعدم القدرة على التخلص منها.
فيما يتعلق بالأسباب ديال الوسواس القهري، فغالبا ما كتجي إما من الوراثة أي أن أحد أفراد العائلة مصاب بيه، أو بيولوجية كتشوه في القشرة الأمامية للدماغ، أو بيئية ونقصد بها المحيط الاجتماعي اللي كيعيش فيه الشخص و اللي كيخليه يتأثر ويتعادى بهاد الوسواس.
بالنسبة لأساليب العلاج، فيتم الجمع بين العلاج النفسي والأدوية، بحيث يتم وصف مضادات اكتئاب من نوع SSRI، بالمزاوجة مع العلاج السلوكي المعرفي CBT.